گود سبور//

كشفت جريدة “Repubblica” الطاليانية ان الدولي المغربي نايل العيناوي يقدر يمشي بحالو من روما الطالياني، وان فراقي فالسعودية مهتمين به.

ووضح نفس المصدر، ان فريق روما مفروض عليهم يبدلو استراتيجيتهم بخصوص الانتدابات لتجنب مخالفة القيود المالية للاتحاد الأوروبي لكرة القدم، وان إمكانية بيع عقد نايل العيناوي ممكنة.

الجريدة الطاليانية، قالت ان روما حددو مبلغ بيع عقد نايل العيناوي هو 35 مليون أورو، باش يخلصو مستحقات اللاعب ويربحو شي حاجة من الصفقة ديال اللاعب المغربي، اللي كان جا عندهم من لانس الصيف الماضي وسناو معه عقد حتى 2030.