كريم الصوفي – كود//

[email protected]

قالت مواقع إخبارية إسبانية، أن قاضي المحكمة رقم 1 ف أورينس، صدر أمر بالحبس المؤقت في حق المتهم بجريمة قتل الشاب المغربي أمين، الجمعة الفايتة، واللي مات قبل ما يوصل للسبيطار.

وحسب المصادر ذاتها، تم تطبيق القرار في حق المتهم، الأحد الفايت، بدون الحق في أداء كفالة السراح. وتقتل الضحية بدم بارد من طرف المتهم للي من أصلو روماني وكيبلغ من العمر 39 عام.

وهرب المتهم من مسرح الجريمة، لكن ضباط وحدة مكافحة جرائم القتل قدرو يتوصلو للهوية ديالو بناءا على إفادات الشهود وكاميرات المراقبة، ويلقاو أثار الحمض النووي ديالو فـ الجنوية اللي لاحها في نهر باربانيا.

ولجأ أفراد عائلة الضحية والمعارف ديالو إلى فتح باب التبرعات أمام الجمهور من أجل إعادة جثمانه إلى المغرب ودفنه فـ بلده الأصلي.