الرئيسية > آش واقع > روكور جديد حطمو المغرب اليوم فعدد الإصابات بكورونا.. 826 مغربي ومغربية تصابو فهاد 24 ساعة و59 تشافاو و7 ماتو.. الطوطال: 22213 إصابة و17125 متعافي و334 متوفي و4754 كيتعالجو
29/07/2020 17:30 آش واقع

روكور جديد حطمو المغرب اليوم فعدد الإصابات بكورونا.. 826 مغربي ومغربية تصابو فهاد 24 ساعة و59 تشافاو و7 ماتو.. الطوطال: 22213 إصابة و17125 متعافي و334 متوفي و4754 كيتعالجو

روكور جديد حطمو المغرب اليوم فعدد الإصابات بكورونا.. 826 مغربي ومغربية تصابو فهاد 24 ساعة و59 تشافاو و7 ماتو.. الطوطال: 22213 إصابة و17125 متعافي و334 متوفي و4754 كيتعالجو

عفراء علوي محمدي- كود//

المغرب حطم رقم قياسي جديد فعدد الإصابات، بحيث علنات وزارة الصحة على تسجيل 826 إصابة بفيروس كورونا المستجد فهذ 24 ساعة الأخيرة، وهكذا وصل الطوطال لـ22213، أي بمعدل 61,2 لكل 100 ألف نسمة.

وكشف معاذ المرابط، منسق المركز الوطني لعمليات الطوارئ العامة بوزارة الصحة، فالندوة اليومية للترصد الوبائي لفيروس كورونا المستجد، أن هذ الحالات تسجلات أغلبها فكازا سطات (284)، بينما سجلات فاس مكناس 206، طنجة تطوان الحسيمة 167، مراكش آسفي 95، جهة الرباط سلا 33، بني ملال خنيفرة 15، الداخلة واد الذهب 10، الجهة الشرقية 8، العيون الساقية الحمرا 5، درعة تافيلالت 2، وحالة وحدة في سوس ماسة.

و668 حالة (81%) تسجلات ف4 مدن  كازا، وفاس، وطنجة، ومراكش.

وماتو اليوم 7 اشخاص، فطنجة 3، وكازا وفاس 2 لكل منهما، وهكذا وصل الطوطال ديال الوفيات لـ334.

وتسجلات 59 حالة شفاء، ووصل المجموع لـ17125، بنسبة تعافي ديال 77,1 فالمية.

والحالات اللي مازلة كتعالج بلغ عددها اليوم 4754 حالة.

و724 حالة تم اكتشافها عبر تتبع المخالطين، ودابا وصل عددهم فالمجموع لـ117166، ومن بينهم 13754 مازالين تحت المراقبة الطبية.

اما بالنسبة للحالات الخطيرة او الحرجة، فعددها وصل لـ81 حالة، 25 منها فكازا سطات، و23 فمراكش اسفي، و17 فطنجة تطوان الحسيمة، و14 ففاس مكناس، وجوج فالرباط سلا القنيطرة.

واليوم تستبعدات 20408 حالة إصابة، ووصل المجموع لـ1187822 بعد ما خرجات تحاليلهم سلبية.

ونسبة توالد الفيروس RT هي 1,6.

وهذا التوزيع الجغرافي للإصابات بالنسبة المئوية:

موضوعات أخرى