وكالات //
طالبة فرانساوية، عندها 21 عام، دارت پروجي جديد ديال الطوانكَ اللي مصاوبين أساسا من لوتو-تيست ديال كورونا (Les autotests Covid) اللي ولاو طوندونس هاد ليامات.
كارولينا كَارسيا (Carolina Garcia) جمعات لتيست مع عند الناس اللي كتعرف، عقماتهم ونقاتهم وزوقاتهم بيديها، ودابا ولاو طَوانك ديال التفركيس.
فاللول بدات الفكرة بالضحك، لكن التصويرة اللي حطات فصفحتها على “أنستكَرام” داعت، ودابا ولاو كثير من الناس كيتواصلو معاها باش يشريو من عندها هاد الإبداع.
ومن بين الزبناء اللولين ديال كارولينا هي المغنية العالمية كاتي بيري، وحتى روبرتو ولد المصمم “روبيرتو كافالي”، اللي حطو التصويرة وكتب عليها “سيمانة ديال لاموض بدات، استمتعو”.
https://www.instagram.com/p/CYvkhgLFxTF/
