كود سبور//

عبر البوسني روسمير تسفيكو المدرب الجديد للرجاء الرياضي على الفرحة حيث غايدرب فريق بقيمة الرجا، وأكد ان الطموح ديالو بحالو بحال الجمهور الرجاوي وهو التتويج بدوري أبطال إفريقيا، إلى جانب البطولة الاحترافية وكأس العرش.

وهضر المدرب الجديد للرجاء الرياضي فتصريح للموقع الرسمي للنادي قبل لحظات وقال: “فرحان حيث جيت لواحد من أكبر الأندية فالعالم واللي عندو أحسن جمهور فالعالم حيث جيت لهنا باش نكون جزء من مشروع كبير وملي عيط ليا الرئيس عادل هالا كنت فرحان حيث كانت مفاجأة زوينة ليا أنني نجي لهاد النادي اللي عندو سمعة كبيرة”.

وأكد روسمير تسفيكو: “كنتمنى مع الطاقم التقني واللاعبين والمسؤولين وجمهورنا نربحو دوري أبطال إفريقيا، وغايكون هدفنا البطولة الاحترافية وكأس العرش وعندي نفس الطموح مع جمهورنا وديما رجا”.