كود سبور//

رد الإسباني رودري نجم مانشستر سيتي النگليزي المتوج بالكورة الذهبية، على تصريحات الأسطورة البرتغالية كريستيانو رونالدو، اللي كان قال إن “رودري يستاهل الكورة الذهبية ولكن البرازيلي فينيسيوس نجم ريال مدريد هو اللي كان خاصو ياخدها” (رد عليه) وقال إنه كايعرف مزيان كيفاش كايتختار اللي كايربح الجائزة.

ورد الإسباني رودري اللي ربح الكورة الذهبية لعام 2024 وسط جدل كبير حيث أغلب المتابعين اعتبروها مفاجأة وكانوا معولين على البرازيلي فينيسيوس يربحها، قال فتصريح لجريدة “اس” الإسبانية: “الصحافيين اللي صوتوا ليا يقدرو يكونو هما اللي صوتوا له شحال هادي، وأظن أنه كان راضي على الجائزة فهاداك الوقت”.

للإشارة فمنح مجلة “فرانس فوتبول” جائزة الكورة الذهبية لرودري نجم مانشستر سيتي، خلق أزمة كبيرة للمجلة الفرنسية والاتحاد الأوروبي لكرة القدم مع ريال مدريد اللي قاطعو حفل تسليم الجوائز وشككو حتى في طريقة اختيار الفائزين، وكايشوفو أن النجم البرازيلي هو الأحق حيث ربح دوري أبطال أوروبا، ونفس الحاجة هي اللي قال البرتغالي كريستيانو رونالدو.