كود سبور//

نايضة فريال مدريد الإسباني، والبرازيلي رودريگو تمرد على الفريق وما بقاش باغي يلعب معهم.

وحسب جريدة “ماركا” الإسبانية القريبة من ريال مدريد، فإن رودريگو، ما غايبقاش مع الفريق وغايمشي بحالو مع نهاية هذا الموسم.

وأضاف نفس المصدر، أن اللاعب ما بغاش يتريني اليوم مع الفريق، وهضر مع المدرب كارلو أنشيلوتي وخرج من التداريب ومشى بحالو للفيستيير مع واحد من الموظفين ديال النادي بلاما يتدرب.

وما لعبش رودريگو الكلاسيكو مع ريال مدريد ضد البارصا الاحد اللي فات، واخا هو عنصر مهم وأساسي بالنسبة للمدرب كارلو انشيلوتي، وحسب وسائل إعلام إسبانية فاللاعب اللي ما بغاش يلعب.

وحسب ماركا فرودريگو ما غايلعبش غدا الاربعاء مع ريال مدريد ضد ريال مايوركا برسم الدورة 26 من بطولة الصبليون.