عمـر المزيـن – كود///
علمت “كود” أن المصلحة الولائية للشرطة القضائية بمدينة فاس، غادي تقدم صباح اليوم الاثنين 25 دجنبر 2023، أمام الوكيل العام للملك لدى محكمة الاستئناف بالمدينة، شقيقين، من بينهما قاصر، وذلك للاشتباك في تورطهما في قضية تتعلق بالضرب والجرح المفضي إلى الموت عن دون نية إحداثه.
هاد الجريمة اللي وقعات سببها خاوي بزاف ومعندها حتى شي طابع إجرامي. مصادر محلية قالت لـ”كود” باللي كان شي ماتش في ملعب للقرب بحي عوينة الحجاج الشعبي، وشي جوج لاعبين دابزو بيناتهم على الأحقية فشي “كوفرة”. هو كيقلو كوفرة ولاخور كيقوليه مكاين والو.
المهم بقاو سبان وغوات. شقيق واحد فيهم اللي قاصر مشا جاب سلاح أبيض من الدار وعرض شي واحد قاصر حتا هو للضرب والجرج المؤدي إلى الموت، واتهمو باللي هو اللي حرض داك اللاعب باش يرتكب كوفرة فحق خوه.
وقد تم إخضاع المشتبه فيه القاصر تحت الملاحظة رهن إشارة البحث الذي تشرف عليه النيابة العامة المختصة، فيما وضع شقيقه الراشد تحت تدبير الحراسة النظرية، في انتظار تقديمهما معا صباح اليوم الاثنين أمام الوكيل العام للملك.
