كود كازا ////

“روبي” بلاصة تقدر تاكل فيها تقدر تشرب فيها كاينة فوق ريسطو “لاڤوني” فشارع ادريس السلاوي فكازا، كدخل القاصرات وكتمنع قاليك اللي لابس بانطا كور. اليوم كان داخل زبون. لابس شورط مع سباط، وقفوه ومنعوه. قالو ليه “ممنوع الشورطات للرجالة” وباش سولهم شكون منع؟ ردو عليه، وفق شهادتو ل”كود” باللي هاد الشي داخل فالقانون الداخلي ديالهم. 

الزبون تصدم ماشي من وجود هاد اللي كيسميوه قانون داخلي ولكن لانهم خلاو قاصرات كيدخلو باش قالو ليه هاد الهدرة “دخلو قاصرات. ما ندخلش فبلباسهم. هاديك حرية فردية. ولكن قاصرات. قلت ليهم” يشرح الزبون ل”كود” “قانونكم الداخلي يمنع راجل بشورط وماشي شورط البحر، ونفس القانون هو اللي كيخليهم دخلو القاصرات”.

المهم هاد “روبي” فاتحينو للقاصرات. حتى باش احتجات وزيرة ساكنة ورا هاد الفضاء على الصداع لكبير ديال الموسيقى. زايدين فالديسيبل. واحتجت معاها شخصية اخرى اللي جات عندهم. ما تسوقوش ليها. قالو لشي وحدين باللي وراهم شخصيات كبار من الوزيرة ومن هاد السيدة. هاد الشي علاش كيدخلو القاصرات. وهادو خاصهم محاكمة