سامي العلوي ـ كود //
عرفات النقطة الكيلومترية 20 بين العرجات وسيدي علال البحراوي، عشية اليوم الأحد، حادث انقلاب رموك من الحجم لكبير، كان عامر بكمية ديال الحشيش قدراتها مصادرنا بحوالي 20 طن ديال الزطلة.
ووفقًا لنفس المصادر، ف الشيفور هرب لوجهة مجهولة مباشرة بعد الحادث الأمر الذي خلا لحشيش بق مشتت في الارض حتى جات عناصر الدرك الملكي لمكان الحادث، وقامت بتأمين جناب الرموك والتحفّظ على الحمولة.
وفي نفس الوقت فتحات تحقيق عاجل تحت إشراف النيابة العامة المختصة باش يتم تحديد ظروف وملابسات هاد الحادث، ويعرفو الجهة لي كانت وراء هاذ العملية.
