الرئيسية > تبركيك > رمضان وكونفينمون (الحلقة 24).. الفنان نسيم حداد فحوار مع “كود”: كورونا حرماتنا من الجمهور والقرب من الناس.. والإنتاجات الرمضانية مزيانة
08/05/2021 22:00 تبركيك

رمضان وكونفينمون (الحلقة 24).. الفنان نسيم حداد فحوار مع “كود”: كورونا حرماتنا من الجمهور والقرب من الناس.. والإنتاجات الرمضانية مزيانة

رمضان وكونفينمون (الحلقة 24).. الفنان نسيم حداد فحوار مع “كود”: كورونا حرماتنا من الجمهور والقرب من الناس.. والإنتاجات الرمضانية مزيانة

عفراء علوي محمدي- كود//

“كود” سولات مشاهير وسياسيين وفنانين ومؤثرين وإعلاميين على كيفاش كيدوزو نهارهم فهذ رمضان الاستثنائي مع كورونا، وعلى رأيهم فالإنتاجات الرمضانية.

الفنان نسيم حداد كان ضيفنا هذ الليلة، وها شعاود ل”كود”:

كيفاش كتدوز رمضان دابا اللي مسدود علينا؟

كندوزو بحال كَاع المغاربة، كندير الفرائض الدينية، كنتفرج فالإنتاجات التلفزية، كنبروفيتي صراحة من هذ الحجر الصحي اللي كاين بالليل باش نكَلس كثر مع أسرتي الصغيرة، وأنا كنحترم التدابير الوقائية اللي داير  الحكومة، وكنظن بأنه ماكاين حجر صحي بالليل إلا والهدف منو هو الوقاية وأننا نحميو نفوسنا ونحميو الغير.

كيجاوك أعمال رمضان؟

أنا حريص باش نتفرج فالإنتاجات الرمضانية المغربية، وكنواظب على الأعمال التلفزية اللي كاينين فالقناة الأولى خصوصا، سواء “بنات العساس”، أو “الماضي لا يموت”، أو ليسيتكوم، وكذلك “جماعتنا زينا”، وأنا كنفظل نشوف الإنتاجات الوطنية، هذا واجب بحكم انني من الوسط الفني، ومن جهة أخرى كنظن أنها أعمال مزيانة، والدليل أننا كنشوفو التفاعل اللي كتثير، وكنشوفو شباب بزاف متبعينها، كاين تحسن مادام قدرات توصل للجيل الجديد وتقلل من ديك الهوة اللي كانت بين التلفزة والمتابعين.

شنو جديدك الفني؟

الجديد الفني كاين ألبوم جديد بعنوان “Coup de coeur”، اللي غيبدا النشر ديالو مباشرة بعد رمضان، الألبوم فيه 10 أغاني، دائما من التراث الشعبي المغربي، وفيه مجموعة من الأنماط والتلوينات الغنائية، كنحاول من خلالها رد الاعتبار للتراث المغربي ونقربو للجيل الجديد.

قداش أثرات كورونا على الدومين الفني؟

كورونا كان عندها تأثير كبير على الميدان الفني وكل الميادين عموما وعلى الحياة الإنسانية، كنظن انه إلى قدرنا نستغلوا كورونا بشكل إيجابي، فهي فترة من أجل إعادة ترتيب الأوراق، فترة ديال التأمل، الواحد كيشوف فين غادي باش يرتب الحياة ديالو، وأنا كنت استغليت الفرصة ووجدت ألبوم، لكن هذا ماكيعنيش أنه ماكيناش تأثيرات سلبية، بحكم أنه كيكون الغياب على الجمهور والقرب من الناس…

موضوعات أخرى

20/06/2021 09:21

الازمة مع الصيليون. غالبية لملايرية قاطعو السياحة فكوسطا ديل صول واخا عندهم ڤيلات وديور وشي وحدين مشاو دارو لقوالب باش يمشيو وها كيفاش