الرئيسية > تبركيك > رمضان وكونفينمون (الحلقة 23).. ياسين أحجام فحوار مع “كود”: أعمال رمضان فيها المزيان والناقص.. وإغلاق المسرح حاجة مؤسفة
07/05/2021 22:00 تبركيك

رمضان وكونفينمون (الحلقة 23).. ياسين أحجام فحوار مع “كود”: أعمال رمضان فيها المزيان والناقص.. وإغلاق المسرح حاجة مؤسفة

رمضان وكونفينمون (الحلقة 23).. ياسين أحجام فحوار مع “كود”: أعمال رمضان فيها المزيان والناقص.. وإغلاق المسرح حاجة مؤسفة

عفراء علوي محمدي- كود//

“كود” سولات مشاهير وسياسيين وفنانين ومؤثرين وإعلاميين على كيفاش كيدوزو نهارهم فهذ رمضان الاستثنائي مع كورونا، وعلى رأيهم فالإنتاجات الرمضانية.

واليوم الممثل ياسين أحجام كان من المحاورين، وها شعاود ل”كود”:

كيفاش كتدوز رمضان دابا اللي مسدود علينا؟

عادي جدا، هذا رمضان الثاني اللي كندوزوه فالحجر الصحي، وفالحقيقة ولفنا، أنا رمضان كندير شوية ديال الرياضة، كنقرا، كنتأمل، بالإضافة للاعتناء بلوازم البيت وأغراضو والأسرة ديالي الصغيرة فكازا، ف12 اليوم الأولى ديلل رمضان دوزتها فالتصوير لمسلسل “سول دموعي” فمراكش فرمضان مع المخرج الصديق ابراهيم الشكيري.

شنو رايك فإغلاق المسرح؟

طبعا الأمر مؤسف، بحكم أن الحياة الثقافية توقفت تقريبا تماما، ووقع تقلص في الحياة الاجتماعية، فإغلاق المسارح هو نتيجة ديال هذ الوباء اللي اجتاح العالم، واللي المغرب عمل  مجهود كبير لاحتوائو، والحمد لله لحد الساعة، رغم الخسائر الاقتصادية، السلطات الصحية ديالنا مراقبة الوضع ومسيطرة عليه، وقرارات بحال هذي كترجع للسلطات المختصة اللي عندها معطيات حول سبل انتقال هذ العدوى، لكن هذ القرارات كتكون صعبة، وكنتمناو مستقبلا يوقع انفراج.

كيجاوك أعمال رمضان؟

كنحاول نتفرج فبعض الأعمال فرمضان، ماشي كلها نظرا لأنه كاينين اعمال وبرامج كثيرة… كاين مستوى متفاوت، كاينة أعمال جيدة، متوسطة، وكاين اللي ماتوفقوش المسؤولين عليها باش تكون فالمستوى المطلوب.

شنو الأعمال اللي شاركتو فيها هذ الشهر؟

شاركت ف”حديدان وبنت الحراز”، فدور العلاف، وهو دور مختلف على ما عهدني به الجمهور، واللوك والطريقة مختلفة تماما كذلك، وعندي أيضا فيلم “القافز”، من إخراج يوسف الركَاب.

شنو أعمالك المستقبلية؟

عندي مجموعة من العروض والاقتراحات، كاين اللي مازال ماسنيت العقود ديالها وكاين اللي تفاهمت عليها، وعندي مسلسل جديد مع المخرج سعيد خلاف، والمنتج عبد الكريم الدرقاوي.

موضوعات أخرى

13/06/2021 20:00

“لارام” بدات تنزيل تعليمات الملك بخصوص تسهيل عودة مغاربة الخارج بأثمنة مناسبة.. طلقات عملية استثنائية خصصات ليها 3 ملايين مقعد