وكالات//

قتل راجل أردني عايش فقرية سورية مراتو وهوما فوق الطابلة ديل الفطور بعدما جاتو نوبة ديال الغضب بسباب انها تعطلات عليه باش تحط الطابلة ديال الفطور.

على حساب مانقلات الصحف الأردنية فهاد خونا لي هو ف الثلاثينات من العمر ديالو، كان جالس كيتسنا يفطر وفين ودن المغرب بدا كيتسناها تحط الطبق الرئيسي لي كان هو الملوخية.

قالت ليه مراتو يتسنى شوية قريبة توجد، هو مقدرش يصبر ومشا عندها للكوزينة ضربها بديك الطنجرة سخونة على رساها وهرسها من وجهها.

من بعد ماتت السيدة ف السيبطيرا وخونا شدوه البوليس، وشهدو عليه الجيران أنه قبيح وديما كيتعصب على مراتو.