الرئيسية > تبركيك > رمضان فالدار. الممثل ياسين أحجام لـ”كود”: أنا إنسان بيتوتي وماعزيزش عليا نخرج سواء فرمضان أو الحجر أو الأيام العادية.. وكندير الرياضة ونعاون بنتي فقرايتها
20/05/2020 21:00 تبركيك

رمضان فالدار. الممثل ياسين أحجام لـ”كود”: أنا إنسان بيتوتي وماعزيزش عليا نخرج سواء فرمضان أو الحجر أو الأيام العادية.. وكندير الرياضة ونعاون بنتي فقرايتها

رمضان فالدار. الممثل ياسين أحجام لـ”كود”: أنا إنسان بيتوتي وماعزيزش عليا نخرج سواء فرمضان أو الحجر أو الأيام العادية.. وكندير الرياضة ونعاون بنتي فقرايتها

عفراء علوي محمدي- كود//

فهذ الفقرة، “كود” كتسول فنانين ومشاهير على كيفاش كيدوزو نهارهم مع الحجر الصحي فرمضان.

واليوم معانا الممثل المغربي ياسين أحجام، اللي تكلم ل”كود” على اليوميات ديالو فهذ الشهر، وقال بللي رمضان هذ العام ماحسش بيه مختلف بزاف على رمضانات اللي فاتو، ووضح: “ماجانيش فرق كبير، حتى فالخروج أنا مكانخرجش دائما صراحة، ومكايعجبنيش نخرج نظرا لضيق الوقت فالليل مورا الفطور، حتى الأعوام اللي فاتت كنبقى فالدار، كنقرى شي كتاب أو كنتفرج فالتلفزة، ومكايبقاش لي الوقت بزاف، وهذي عندي قاعدة حتى فالأيام العادية”.

وهذ الشهر فهذ العام، كيقول أحجام أنه كيدوز الوقت فالقراءة والكتابة، وكيدير شوية دالرياضة فالدار، وإلى اقتضى الحال كيخرج داك الخرجة البسيطة باش يتسخر، “وإلى تسخرت ماكانديرهاش يوميا، ودابا مع الحجر الصحي والتعليم عن بعد أنا ملزم نكَلس فالدار كذلك باش نراجع مع بنتي الصغيرة يارا، أو كنعاون المادام فالشغال وهذي حاجة ضرورية ومافيهاش نقاش”، على حساب هضرتو

وقال أحجام بللي كاين أمور كثيرة تدار فالدار فهذ الحجر الصحي باش الإنسان مايخرجش ويعرض حياتو وحياة الناس الآخرين للخطر.

موضوعات أخرى