الرئيسية > تبركيك > رمضان فالدار. الفنان عصام كمال لـ”كود”: أنا حاصل دابا ففرانسا.. توحشت البلاد والعائلة وولدي.. وفهاد الشهر خدام على الجديد
23/05/2020 20:00 تبركيك

رمضان فالدار. الفنان عصام كمال لـ”كود”: أنا حاصل دابا ففرانسا.. توحشت البلاد والعائلة وولدي.. وفهاد الشهر خدام على الجديد

رمضان فالدار. الفنان عصام كمال لـ”كود”: أنا حاصل دابا ففرانسا.. توحشت البلاد والعائلة وولدي.. وفهاد الشهر خدام على الجديد

عفراء علوي محمدي- كود//

فهذ الفقرة، “كود” كتسول فنانين ومشاهير على كيفاش كيدوزو نهارهم مع الحجر الصحي فرمضان.

واليوم معانا المغني المغربي عصام كمال، اللي تكلم ل”كود” على اليوميات ديالو فهذ الشهر، وقال أن رمضان فكل عام ومهما كانت الظروف “فيه البركة وإينيرجي زوينة، وتابع: “أنا كنتعامل مع رمضان بطريقة عادية، أنشطتي ماكنبدلهاش غالبا، من غير الوجبات اللي كيتبدو المواعيد ديالهم، شوية ديال العبادة شوية ديال التفكر، وعاد بزاف ديال الخدمة، وحتى الخدمة عبادة”.

وكشف كمال أنه حاصل دابا ففرانسا، لكن هذشي مامنعوش يدوز الأجواء الرمضانية فدارو “ممكن يكون رمضان فالحجر أحلى، لأننا كانكَلسو مع ذاتنا وكل واحد كيتفكر كيخمم شوية وكيعاود الأوراق ديالو وحساباتو وكيشوف راسو فين واصل فهذ الدنيا وفين باغي يمشي والحوايج اللي دارهم مزيانين، كاينة مراجعة ومحاسبة ديال النفس ففترة الحجر، وهذشي إيجابي، داكشي علاش كنقول ديما “رب نقمة في طيها نعمة”، على حساب كلامو.

كمال كشف كذلك بللي استغل الحجر والأجواء الرمضانية باش يخدم على جديد “وقريب غانقدموه للناس، كاين ألبوم لايت اللي خدمنا عليه تقريبا فهذ الفترة هذي ديال رمضان والحجر الصحي، وكاين لالبوم اللي بدينا كنلونصيو فيه من قبل اسمو “ماجيك”، يالاه نزلنا منو أغنية وحدة ومازال أغاني خرين قراب نزلوهم”، كيف قال.

وختم كمال كلامو كيقول: “ولو أن الأجواء الرمضانية ففرانسة صعيبة لأنك بعيد على العائلة والبلاد، وأنا توحشت ولدي والوالدة، ولكن الحمد لله”.

موضوعات أخرى

06/06/2020 16:30

ضجة إطلاع السفيرة الفرنسية على مضامين لجنة النموذج التنموي.. عصيد لـ”كود”: كولشي عارف أن التقرير فالنهاية غادي يكون محكوم بنظرة الخبراء الأجانب والخطأ ديال السفيرة ماشي اللجنة

06/06/2020 15:30

كورونا.. فريق جامعي مغربي فيه الوزير أمزازي دار سابقة دولية: قارن الجينومات المغربية للفيروس مع 30 ألف جينوم دوليا والنتيجة بينات ان اللقاح يقدر يكون ناجع عالميا

06/06/2020 14:00

شكون يديها فحالة لمغاربة النفسية. راه 3 شهر ما عارفينش شحال من واحد تزير وشحال جاه اكتئاب وشحال فكر فالانتحار