وكالات//

طلق الرئيس الميريكاني دونالد ترامب رسمياً الريحة الجديدة ديالو اللي سماها  “Victory 45-47″، عبر المنصة ديالو “تروث سوشيال”، احتفالاً بالرجوع ديالو للبيت الأبيض للمرة الثانية.

وكتب فالبوست ديالو: “عطور ترامب وصلات… رمز ديال الرباح، القوة، والنجاح، للرجال والعيالات. استمتعو، وكملو طريق الفوز!”.

الريحة كتجي فنسختين: وحدة للرجال ووحدة للعيالات، وكيجي فقرعة ذهبية كتحمل مجسّم صغير لترامب.

النسخة الرجالية كيوصفوها بأنها “راقية وفخمة”، بينما النسخة النسائية كتعكس “الثقة، العزيمة، والجمال”.

الثمن ديال القرعة هو 249 دولار، وكاين تخفيضات إلا شريتي جوج أو ثلاثة فـ”باقة الهدايا”.