وكالات//

محكمة فميريكان حكمات بـ18 عام ديال الحبس على مالكة سابقة لدار جنازات، من بعد ما تبث أنها نصبات على مئات العائلات وقدّمات ليهم رماد مزيف بدل رفات الناس ديالهم.

كاري هالفورد، اللي عندها 48 عام، خداّت حوالي 130 ألف دولار من تكاليف الجنازات، وكانت كتسلّم جرار فيها خليط ديال الإسمنت بلا ما يكون فيها الرماد الحقيقي، حسب وكالة “أسوشيتد برس‘‘.

التحقيقات بينات أنها كانت خدامة مع راجلها السابق جون هالفورد، وضللو العائلات وتلاعبو بجثث المتوفين، فتصرف وصفاتو النيابة بأنه ما فيه حتى احترام للكرامة الإنسانية.

وزيد على هاد الشي، اعترفات حتى بحصولها على حوالي 900 ألف دولار من مساعدات كوفيد بطريقة غير قانونية.