وكالات//

مزال الكوارث الجوية كتدور في العالم كامل، وكتقلق نهار على نهار الالاف ديال الناس لي كيسافرو فيها، وهاد المرة كانت غادي توقع وحدة في ميريكان.

على حساب مقال جورنال “ميرور” البريطاني، فأكثر من 200 واحد خرجو هاربين من واحد الطيارة لقات مشكل في الإقلاع.

الطيارة تابعة لشركة “ديلترا ايرلاينر” الميريكانية، وتعرضات لمشاكل في الموطور ديالها قبل الإقلاع وهو شي لي تسبب في حالة هلع كبيرة بين الركاب.

ووقعات الحادثة في “هارتسفيلد جاكسون أتلانتا الدولي” في ولاية جورجيا الأمريكية، ونتاشرو فيديوهات لي كتبين الناس وهي كتجارا وتنقز باش تبعد من الطيارة.

على حساب بيان ديال الشركة فـ4 ديال الناس تصابو بسبب هاد الحادثة، والباقين في صحة مزيانة.