عفراء علوي محمدي- كود//

اليوم السبت 7 غشت سجلنا أعلى روكور فالوفيات بفيروس كورونا المستجد، بحيث ماتو 92 غير ف24 ساعة، وهو نفس الرقم القياسي اللي كنا وصلنا ليه ف20 نونبر 2020.

وسجلنا كذلك رقم كيخلع فالإصابات اليومية بالفيروس، بحيث تقاسو 10609، وغير اليوم كذلك 240 دخلو للإنعاش.

وهذو التفاصيل:

التلقيح:

وصلنا فمجموع الملقحين بالجرعة الأولى ل15037701، بينما وصل فعدد اللي تلقحو كليا ل10896199.

الإصابات:

وتقاسو اليوم 10609 واحد من أصل 47141 واحد دار التحليلة، ووصل عدد المصابين فالمجموع ل687292.

ومؤشر الإصابة التراكمي وصل ل1885 لكل 100 ألف نسمة، بمعدل إصابة ديال 29 لكل 100 ألف نسمة فهذ 24 ساعة.

حالات الشفاء:

تشافاو اليوم 6473، ووصل الإجمالي ل605431، بنسبة تعافي ديال 43,1 فالمية.

الوفيات:

اليوم ماتو 92، ووصل هكذا عدد الوفيات ل10255، بنسبة فتك 1,5 فالمية.

الحالات النشيطة والحرجة:

وعدد الحالات النشيطة طلع ل71606، وعدد الحالات الحرجة وصل ل1544،من بعد تدهور حالة 240 غير اليوم، و46 كاينين تحت التنفس الصناعي الاختراقي.

ووصلات نسبة ملء أسرة الإنعاش ل43,1 فالمية.

بالنسبة لتوزيع الإصابات على الأقاليم والجهات فهو كالتالي: