كود – رويترز //

كتب ولد شاه ايران رضا بهلوي بلي إيران  غادي تحبس البرنامج النووي اللي عندو طابع عسكري، وغادي تعترف بإسرائيل، وتحاول  تبني علاقات عادية مع مريكان  وقال بلّي صورة إيران مع  النظام الحالي ولات مرتبطة بالإرهاب والتطرف والفقر، وأكّد أن «إيران الجديدة» غادي تخدم كقوة استقرار فالمنطقة وشريك دولي مسؤول.

كما علن التزامو باش يحبس دعم  الجماعات الإرهابية بالتعاون ، الجريمة المنظّمة، وتجارة المخدرات، والتطرف ،وفنفس السياق، قال الرئيس الأميركي دونالد ترامب، فحوارو مع وكالة «رويترز»،   بهلوي «كيبان مزيان بزاف»، ولكن زاد  أنه ما عارفش كيفاش يقدر يتصرّف ولا يخدم من وسط  إيران .

زاد ترامب قال أن النظام الإيراني ممكن يطيح بسبب احتجاجات داخلية، ولكن شدّد على أن ما كاين حتى شي حاجة كتاكد هادشي ،وزاد شكك  فقدرة بهلوي يدير تغيير سياسي، وتساءل واش الشعب الإيراني غادي يقبل به كزعيم ولالا.