كود سبور//

كيدوز أسطورة الدفاع الحسني الجديدي رضا الرياحي النجم السابق للرجاء الرياضي من وعكة صحية صعيبة بزاف، خلاتو يشد الفراش.

وحسب الدولي المغربي السابق عبد اللطيف العراقي، فرضا الرياحي اللي حتى هو دولي سابق، مريض والحالة الصحية ديالو صعيبة لدرجة أنه ما بقاش كيقدر يمشي على رجليه.

وكيتعتبر رضا الرياحي من أحسن اللاعبين اللي ولدت مدينة الجديدة وفريق الدفاع الحسني الجديدي، وتألق أيضا مع الرجاء الرياضي وجيل ذهبي ديال الخضرا فتسعينات وبداية الألفينات فمرحلة سيطر فيها الرجاء على الالقاب وطنيا وإفريقيا.