كود كازا//

الفنان الكوميدي رشيد رفيق خالق سعادة مع واحد نونوس قرد، شراه من تونس.

عضو مجموعة “ايموراجي” بقا مطلعها على داك القرد مسكين حتى كان غادي ينطق، بقا كيفكر ويخمم ليه في سمية، وفي الأخير سماه مسعود، وقالك غادي يختنو.

السؤال هو واش “قرد نونوس” ولا “آلاموض”؟ حيت قبل منو ولد سباتة “الملايري” حتى هو شرا نونوس قرد مسميه “ريري” وكيديه معاه فين مامشا.

ولكن الواعر فيهم هو كريم خربوش المعروف بفرينش مونتانا، لي عندو قرد حقيقي فدارو في لوس أنجلوس، وآخر مرة شرا ليه بزطام “گوتشي”.