كود سبور//

ربح العداء المغربي رشيد المرابطيماراطون الرمال للمرة 11 فالكاريير ديالو، وحطم الرقم القياسي اللي كان عندو من لحسن احنصال بـ 10 القاب.

رشيد المرابطي، مول 42 عام، ربح لقب دورة هذه السنة بتوقيت إجمالي قدره 20 ساعة و55 دقيقة و47 ثانية، متقدما بفارق 5 دقائق و3 ثوان عن شقيقه الأصغر محمد المرابطي، الذي حقق توقيتا قدره 21 ساعة و00 دقيقة و50 ثانية. وجاء العداء المغربي الآخر أحمد ويخلفن في المركز الثالث (22 ساعة و27 دقيقة و58 ثانية).

ودخل رشيد المرابطي لخط النهاية فالمرحلة النهائية اللي تلعبت أطوارها صباح اليوم السبت، وهو رافع العلم المغربي على راسو ومحتافل باللقب الجديد ديالو فالماراطون الأسطوري.

وقدر يربح رشيد هذه المرحلة السادسة والأخيرة من الماراطون، اللي امتدت على مسافة 21.1 كيلومتر، وحقق توقيت ساعة و41 دقيقة و03 ثوان، بفارق 36 ثانية عن صاحب المركز الثاني محمد المرابطي (ساعة و41 دقيقة و39 ثانية)، ودقيقتان و26 ثانية عن المحتل للصف الثالث أحمد ويخلفان (ساعة و43 دقيقة و29 ثانية).