كود كازا//

رشيد العلالي مول برنامج رشيد شو رد على الكلاش والسبان لي عطاه ديزي دروس في “المتنبي” بالطريقة ديالو. ومجبدش اسمو ولو مرة فحلقة الجمعة لي كان فيها البيگ هو الضيف.

على امتداد ساعة ديال البرنامج اللي كان الموضوع ديالو هو الراب والروابةى لا المنشط ولا الضيف جبدو سميت “ميستر كازافونيا”، لي يمكن نقولو هو لي داير البوز كاع فهاد الكلاشات لي بداهم الخاسر.

العلالي كان باغي يجيب ديزي للحلقة ويواجهو مع البيكك، ولكن ولد بين المدون مابغاش “يدير فيه الضحك” كيفما كَال فتدوينة سابقة، حيت اعتبر البرنامج ماشي في المستوى.