الرئيسية > آش واقع > رشوة. مستشار تجمعي فمكناس : ثمن لبلاصة وصل لـ50 مليون.. ومصدر ل”كود”: هاداك مدعوم من بوانو والشامي وبيناتنا القضاء
20/09/2021 15:30 آش واقع

رشوة. مستشار تجمعي فمكناس : ثمن لبلاصة وصل لـ50 مليون.. ومصدر ل”كود”: هاداك مدعوم من بوانو والشامي وبيناتنا القضاء

رشوة. مستشار تجمعي فمكناس : ثمن لبلاصة وصل لـ50 مليون.. ومصدر ل”كود”: هاداك مدعوم من بوانو والشامي وبيناتنا القضاء

كود – مكناس///

هاد الصباح قال عضو فمجلس جماعة مكناس عن التجمع الوطني للاحرار خلال جلسة انتخاب رئيس جماعة مكناس٬ ان ثمن الترتيب في لائحة الاحرار بمكناس وصل ل500 الف درهم وان اللي بغى النيابة فمكتب الجماعة كان هو 300 ألف درهم. هاد الشي قالو قدام مسؤولي السلطات المحلية اثناء انتخابات اسفرت عن انتخاب جواد بحاجي عمدة للعاصمة الاسماعيلية.

وحسب مصدر تجمعي محلي ل”كود” فان خربوش طلق ادعاءات وان القضاء هو اللي غادي يبث فيها. اي ان الحزب قرر يمشي للمحكمة.

كما كشف المصدر ل”كود” ان المستشار مدعوم من الرئيس المنتهية ولايته عبد الله بوانو، عن العدالة والتنمية، وجواد الشامي رئيس فريق الأصالة والمعاصرة، والمندوب العام لمعرض الفلاحة لمكناس.

واضاف ل”كود” ان هاد السيد كان فالرتبة 6 فاللائحة الانتخابية وانو كان “اتفاق قبلي على جميع تحالفات الحزب بخصوص أعضاء مجلس جماعة مكناس، إلا أنه صبيحة اليوم انقلب على قرارات الحزب، واعتبر نفسه أنه الأجدر بتولي منصب نائب الرئيس”.

موضوعات أخرى

28/10/2021 06:00

البرتغال حتى هي حاطة عينيها على الطاقة المتجددة ديال المغرب باش متبقاش معتمدة على الجزائر وروسيا وها اش قال رئيس الوزراء البرتغالي