كود – وكالات //

دخل الرسام اللبناني، “جيوفاني باسيل”، موسوعة “كَينيس” للأرقام القياسية، برسم الراية اللبنانية بالطباشير فمساحة ديال 200 مترو كاري، من قلب العاصمة بيروت.

وهرس “باسيل” الروكور اللي كان وصل ليه رسام من الأوركَواي، اللي كان رسم الدراپو ديال بلادو بالطباشير على مساحة 168 مترو كاري، بحيث رسم جيوفاني راية لبنان على 200 مترو كاري.

ودخل الرسام اللبناني لموسوعة “كَينيس” تزامنا مع الذكرى السنوية اللولة لكارثة انفجار المرسى ديال بيروت.

وقال “باسيل” فـ تصريح للصحافة: “مابغيناش نموتو من لداخل، وأنا كفنان بغيت ترجمة حزني بالرسم، ولهذا السبب أمضي فالمهمة، أرغب من خلالها تحدي السواد واستبدالو بألوان العلم اللبناني”.