وكالات//

من بعد زواج دام أكثر من 25 عام وخلف ولدهم نور، وقع الطلاق رسميًا بين الإعلامي عمرو أديب والإعلامية لميس الحديدي، حسب ما قالتو جرائد محلية.
وأكدات مصادر إعلامية مصرية أن الطرفين وقّعو على أوراق الطلاق ديالهم بشكل رسمي، وأن الانفصال داز فجو ديال الود والاحترام المتبادل، وأن القرار كان جا برغبة من الإعلامية لميس الحديدي، من بعد ما تزوجو فـعام 1999.
ووضحات نفس المصادر أن العلاقة بين الزوجين السابقين سالات بسلام، بلا مشاعر سلبية ولا مشاكل ولا خلافات.
وجا هاد الإعلان من بعد مدة ديال التكهنات حول إمكانية الانفصال بين أديب والحديدي، حيث كانو بزاف ديال الناس فمواقع التواصل الاجتماعي فمصر كيهضرو مؤخراً على أنهم تفرّقو، وهاد الشي خلق نقاش كبير بين المتابعين.
وكان آخر ظهور علني لعمرو أديب ولميس الحديدي مع بعضهم هو فحفل خطوبة ولدهم نور فشهر نونبر اللي فات، وداز الحفل فجو عائلي بسيط جمع غير أفراد العائلة.
ولكن، ورغم هاد المناسبة السعيدة، تم الإعلان على الطلاق بين الزوجين من بعد أقل من شهر، فخبر صدم بزاف ديال المتابعين اللي كانو كيشوفو فيهم واحد النموذج الناجح ديال الزواج الإعلامي على مدى سنين طويلة.