وكالات//
قالو المنظمين ديال حفل جوائز الأوسكار إن أكاديمية فنون وعلوم الصور المتحركة أجلات الإعلان على المرشحين لفئات جوائز الأوسكار هاد العام للمرة الثانية بسبب حرائق الغابات لي مزالا مستمرة في لوس أنجلس.
ودابا من المقرر يديرو الحفل الخاص بإعلان المرشحين لأهم جوائز صناعة السينما نهار 23 يناير، وكان من المقرر في الأصل انهم يعلنو عليها نهار الجمعة لي فات وأجلوه لنهار 19 يناير.
بيل كرامر الرئيس التنفيذي للأكاديمية وجانيت يانج رئيسة الأكاديمية، قالو في بيان “بسبب الحرائق لي مازالا شاعلا في منطقة لوس أنجلس، كنحسو انه من الضروري نمددو فترة التصويت ونأجلو تاريخ الإعلان عن ترشيحاتنا باش نخليو الوقت للأعضاء ديالنا”.
بالإضافة لهادشي، لغات الأكاديمية كذلك حفل الغداء السنوي للمرشحين لجوائز الأوسكار، ولي كان مقرر في 10 فبراير الجاي، ومن المقرر أنهم غادي يديرو حفل توزيع جوائز الأوسكار في 2 مارس 2025