وكالات//
فاجآت المغنية الميريكانية المشهورة سيلينا غوميز مئات الآلاف من المعجبين ديالها على انستغرام، وعلنات رسميا على الخطوبة ديالها.
وعلنات غموزي انها تخطبات رسميا من صاحبها منتج الموسيقى بيني بلانكو Benny Blanco، و نشرت صور على انستغرام لخاتم خطوبتها الغالي بزاف ولي كاين الوسط ديالو حجرة كبيرة من الألماس.
ودارت غوميز تعليق زوين على الصورة ديالها هو: “الأبد كيبدا دابا…”
سيلينا غوميز، لي عندعا في العمر 32 عام، كشفات أنها كانت مصاحبة المنتج الموسيقي بلانكو في ديسمبر 2023، واخا كانت بناتهم علاقة عاطفية من شهر يونيو من العام لي فات.
وسبق لهاد الثناني انهم خدمو مجموعين في 2 ديال الأغاني هما “Single Soon” من عام 2023 والأغنية “I Can’t Get Enough” من عام 2019.
في حوار ليها مع “هوليوود ريبورتر” في نوفمبر لي فات، سولو سيلينا غوميز على علاقتها ببلانكو، وقالت: “هادي هي المرة الأولى لي كنشعر فيها باالمان مع شي واحد، كنشوف المستقبل ديالي مع هاد الشخص”.
