وكالات//

وصلو أخيرا النجمة جينيفر لوبيز وراجلها الممثل الميريكاني المشهور بين افليك لتسوية نهائيا للطلاق بعد أسابيع منما دخلات القضية ديالهم للمحكمة.

وقالت وكالة “أسوشيتد برس” الميريكانية ان جينيفر لوبيز قدمات للمحكمة اوراق كتقول انهم توصلو لاتفاق بتسوية ثنائية بعد شهر من وصولهم للمحكمة.

واخا مخرجاتش تفاصيل مالية ديال هاد التسوية، الا ان وثائق جينيفر لوبيز كتقول بأن أي واحد من الأزواج ماغاديش يدفع النفقة للاخر .

وأكدات نفس المصادر ان جينيفر لوبيز كتسنا وثيقة الطلاق النهائية باش تحيد السمية ديال بين افليك من اسمها العائلي.