وكالات//

فخطوة الهدف منها هو تنظيم الزحام السياحي وتحسين تجربة الزوار، فرضات مدينة روما واحد الرسم ديال الدخول قدره 2 يورو على السياح اللي باغيين يزورو نافورة تريفي المشهورة، على حساب ما جا فصحيفة “إندبندنت” البريطانية.

هاد المعلمة التاريخية اللي كترجع للقرن الثامن عشر، والمعروفة بالتمثال ديال “أوشيانوس” اللي باين فيه وهو سايق عربة كيجروها خيول، كتعتبر واحد من أبرز المعالم السياحية فمدينة روما.

وكانو الزوار دايرين تقليد ديال رمي القطع النقدية فالنافورة باش يضمنو يرجعو لروما مرة أخرى، ولكن دابا خاصهم حتى يخلصو رسم الدخول باش يدخلو للمكان.

ووضح دليل الثقافة جيمس هيل أن تاريخ نافورة تريفي كيرجع للقرن الثامن عشر، حيث كانو الجنود الرومان كيشربو من مائها باش يضمنو يرجعو سالمين لروما، وهاد العادة تبدلات من بعد وولات تقليد ديال رمي الفلوس فالنافورة. والرسوم الجديدة الهدف منها هو تنظيم المكان وتخفيف الضغط الكبير اللي واقع عليه بسبب السياحة الكثيفة.