كود الرباط//

اعترف يونس السكوري، وزير الإدماج الاقتصادي والمقاولة الصغرى والتشغيل والكفاءات، بلي الحكومة مقدراتش تحقق الهدف لي دارت ف خلق المناصب الشغل بالمغرب، وللي محدد ف مليون منصب الشغل.

الوزير السكوري، اليوم بمجلس النواب، ف جواب على أسئلة البرلمانية، كشف بلي الحكومة الى حدود الساعة قدرات فقط توفر 600 ألف منصب شغل، ولكن ف نفس الوقت تم تدمير بزاف ديال المناصب، وفق تعبيره.

السكوري، باش يواجه فشل سياسات الشتغيل، رد على نواب المعارضة وحتى الاغلبية، بأحدث المعطيات الصادرة عن المندوبية السامية للتخطيط، خصوصا تراجع نسبة البطالة من 13.7 في المائة السنة الماضية إلى 12.8 في المائة هاد العام.

الوزير قال بلي هاد التراجع ف نسبة البطالة كانت بسبب خلق 350 الف منصب ف الثلث الأول من هذه السنة. ولكن تم فقدان 70 ألف منصب شغل في قطاع الفلاحة بسبب الاوضاع المناخية.