كود سبور//

سناو الرجاء الرياضي مع الگول ديال شباب المحمدية المهدي الحرار، باش يلعب مع الفريق ابتداء من الموسم الجاي.

وقدمو الرجاء الرياضي قبل لحظات من اليوم السبت، الگول المهدي الحرار مول 23 عام، واللي سنا مع بطل المغرب وكاس العرش فهاد الميركاتو الصيفي لمدة ديال 3 مواسم، فصفقة انتقال حر بعدما سالا العقد ديالو مع شباب المحمدية.

وبداو الرجاء الرياضي كيعلنو على الصفقات اللي وصلت حتى لدابا إلى 5 توقيعات أولهم الگول المهدي الحرار، ومازال غايعلونو على باقي اللاعبين الجداد فالساعات المقبلة.