كود كازا ////

قال مصدر مطلع من وزارة التربية الوطنية والتعليم ل”كود” ان قرار تأجيل تواريخ إجراء الامتحان الموحد المحلي وفروض المراقبة المستمرة بسلكي التعليم الابتدائي والثانوي الإعدادي، برسم الأسدوس الأول من الموسم الدراسي 2025/2026، ما عندو علاقة حتى بشي حزب معارض.

“كود” سولات الوزارة واش القرار ديال التأجيل جا بعد ما صيفط محمد أوزين النائب البرلماني عن الفريق الحركي سؤال كتابي لوزير التربية الوطنية والتعليم الأولي والرياضة، يسولو فيه على إمكانية تأجيل الامتحانات الإشهادية المبرمجة ليوم الاثنين 19 يناير، بسبب تزامنها مع نهائي كأس إفريقيا للأمم يوم 18 فبراير بين المغرب والسينغال.

الوزارة حاسمة. القرار ما عندو علاقة بهاد السؤال الكتابي، حسب مصدر “كود” من الوزارة. واضاف ل”كود” باللي القرار جا بعد اتصالات ومراسلات من جمعيات الاباء بالوزارة اكد المصدر ل”كود” باللي بعد ما تم تحديد تاريخ جديد واعداد كلشي تم الاعلان على القرار.

بخصوص الركوب السياسي على هاد القرار، قال مصدر “كود” باللي هادا قرار داخلي ما عندو علاقة بسؤال هاد الحزب او غيرو فاشارة لسؤال زعيم الحركة الشعبية اللي كيعتاقد الف بالمائة باللي الوزارة سمعات ليه وقررات تأجل هاد الامتحانات