وكالات//

فواحد الحادثة محزنة وقعات فتايوان، مات راجل بعدما تسمم بالرصاص بشكل مزمن، وكتشفو من بعد باللي السبب هو ترموس قديم ومصدي كان كيستعملو كل نهار لأكثر من 10 سنين، مع أن علامات الصدأ والتلف كانت باينة فيه.

وسائل إعلام تايوانية قالت بللي الراجل بدا كيحس بأعراض صحية غريبة قبل عام تقريبا من وفاتو، وهنا بداو الأطباء يديرو ليه تحاليل معمقة. منين خرجات نتائج الدم، بان أن فيه نسبة عالية ديال المعادن الثقيلة، وهنا بداو الشكوك فاش كيكون مصدر التسمم.

من بعد أسئلة وبحث، لقاو أن الراجل كان كيشرب يومياً من داك الترموس اللي فيه الصدأ، وكيحط فيه مشروبات حمضية بحال القهوة، أتاي، والعصير. والمشكل أن داك الترموس ما كانش مقاوم للصدأ، وكان غير كيشللوه بلمّا يعرف الخطر اللي فيه.

الخبراء اللي تابعو الحالة، قالو إن المعادن اللي كانت كتتفكك من الترموس كتتفاعل مع المشروبات الحمضية وكتخلي الرصاص يتسرّب، وداك الشي بقى كيتراكم فالجسم ديالو على مدار السنين، حتى ضعافت المناعة ديالو. ومنين جا فيه التهاب رئوي حاد، ما قدرش الجسم ديالو يصمد، وتوفى بعد شهور من التشخيص الأول.