وكالات//

مات واحد المراهق نيوزيلندي عندو 19 عام، من بعد ما تصاب إصابة خطيرة فالرّاس، وهو كيلعب لعبة ديال التصادم مع صحابو فمدينة بالمرستون نورث، فالجزيرة الشمالية ديال نيوزيلندا.

حسب جريدة “الغارديان”، الشرطة المحلية قالت بلّي الشاب مات فالسبيطار ف ليل ديال الاثنين، بسبب الجروح الخطيرة اللي تعرّض ليها. ووضحات أن اللعبة اللي كان كيلعب سميتها”Run It Straight” ، وهي تحدي كينتاشر بزاف فمواقع التواصل الاجتماعي، واللي كيديرو فيه المشاركين تصادمات قوية بلا ما يستعملو وسائل الحماية.

@islandcitymedia

البوليس وصفو اللي وقع بـ”مأساة حقيقية”، وكتأكّد أن هاد النوع من التحديات فيه خطر كبير على سلامة الناس، خصوصًا فغياب التنظيم والمراقبة الطبية.

هاد التحدي ولى معروف بزاف فـ”تيك توك” و”إنستغرام”، وكاين فيديوهات كتورّي شباب كيديرو اصطدامات قوية، واللي وصلات لملايين ديال المشاهدات.