عفراء علوي محمدي- كود//

موضة جديدة هي ديال الناس اللي كيطبعو الباس فاكسينال ديالهم بشكل مصغر، داير بحال الكارت ناسيونال، باش يديروه فبزطامهوم ويقدو يجبدوه بسهولة، بلا مايفهمو أن هذشي يقد يحلق ليهم مشكل، خصوصا إلى كانو خارجين المغرب.

لارم أكدات، فلاباج ديالها فتويتر، ان هذ الباس ديال التلقيح المصغر ماواكلش، حيت الكود ديالو كيكون صغير بزاف وماواضحش مزيان، وهكذا وصات الناس باش يتجنبو اعتمادو بهذ الشكل.

وقالت لارام أنه باش تكون جوازات التلقيح قابلة للقراءة بواسطة الأنظمة، خاص تتقدم فالشاشة الرقمية (التيليفون أو الأيباد) أو تكون مطبوعة على ورق كبيرة A4.

وزادت أنه ماكاتمكنش تتقرى الصور الرقمية المصغرة أو الأوراق المطوية.

وفتغريدة خرى، ذكرات لارام بأنه اللي بغا يخرج التراب الوطني خاصو لابدا يكون ملقح بشكل كامل، ويتسنى 14 اليوم بعد الجرعة الثانية ديال التلقيح، والا تكون عندو ضروري رخصة مغادرة التراب الوطني الاستثنائية.