وكالات//

الرابطة الألمانية لأطباء الأطفال والمراهقين قالت إن آلام الخصية عند الدراري الصغار هي إشارة على الخطر ودليل أنه كين التواء وخاص الواحد يشوف الطبيب بشكل عاجل.

ووضحات الرابطة أن التواء الخصية كيوقع ملي الخصية كتحرك من بلاصتها وكيتلوى عليها الحبل المنوي لي كينقل الدم لكيس الصفن.

الأعراض ديال التواء الخصية هي الحريق بزاف في الخصية وكتولي حمرة وكتشد بلاصة من غير بلاصتها المعتادة، والواحد كيولي يبول بزاف وكتطلع ليه سخانة مع العيا والردان.

الواحد كيفما يحس بهاد الأعراض خاص يمشي يجري عند الطبيب، خصوصا أن أنسجة الخصية كتموت ما بين 6 و8 سوايع وهادشي يقدر يأثر على تراجع الخصوبة ملي يبلغ.