كود كازا ////

قال هشام ايت منة برلماني التجمع الوطني للاحرار بالمحمدية ورئيس بلديتها ل”كود” باللي البارح اختار الشعب يرد على الحملة ضد رئيس الحكومة. ايت منة اوضح ان نتائج الانتخابات الجزئية بالحسيمة ومكناس كانت جواب واضح. الشعب اختار الاحرار وربح جوج المقاعد وجا اللول “ما غادينش نردو علي الحملة ديال الفايسبوك والفو كونت واللي كلشي فيه فابريكي. الصناديق گالت كلمتها. حزبنا تصدر الانتخابات. فالحسيمة لمدينة اللي ماشي ساهل تجي فيها اللول وكلنا كنعرفوها وفمكناس اللي كانت لسنوات معقل الاسلاميين. الصناديق اختارت تدعم اخنوش.

ايت منة بعد ما قال ل”كود” باللي الوضعية صعيبة كيعيشها العالم ارتافع فيه التضخم وضرات بزاف القدرة الشرائية وباللي هاد الشي كيعيشو المغرب وكيعاني منو المواطن المغربي.

واوضح ل”كود” ان هاد الوضعية ما عندها علاقة برئيس الحكومة وباللي خاصها اجوبة انية مؤقتة باش ما تضررش كثر قدرة المغربي الشرائية