كود سبور//

عرف الدولي المغربي سفيان رحيمي والفريق ديالو العين الإماراتي الخصم ديالهم فالفينال ديال دوري أبطال آسيا، وغيلعبو ضد يوكوهاما الجابوني.

وقدر يوكوهاما مارينوس الجابوني يتأهل لفينال دوري أبطال اسيا ولأول مرة فالتاريخ ديالو، بعدما ربح اليوم الاربعاء فريق أولسان هيونداي الكوري الجنوبي فالدومي فينال بالبلانتيات، بعدما سالاو الفراقي تعدل فمجموع الذهاب والاياب.

وباغي يربح العين الإماراتي دوري ابطال اسيا للمرة الثانية فالتاريخ ديالو، بعد 20 عام دازت على اول لقب له فالمسابقة، أما سفيان رحيمي فباغي يكون أول لاعب مغربي كيربح هاد اللمسابقة، اللي عمر شي لاعب مغربي ربحها وهو ثالث مغربي كيوصل للفينال ديالها بعد هشام بوشروان وأسامة السعيدي.