كود سبور//
شكر سفيان رحيمي الهداف التاريخيّ للمغرب فالألعاب الأولمبية صحابو اللاعبين فالمنتخب الوطني المغربي الأولمبي على المجهود اللي داروها باش ربحو الميدالية البرونزية فأولمبياد باريس2024, وأهداها للمغاربة وقدم تحية للملك محمد السادس.
وبعدما ربح المنتخب المغربي مصر بنتيجة 6 لزيرو فماتش الترتيب وتوج بالبرونزية، قال سفيان رحيمي فتصريح له: “كنشكر گاع اللاعبين اللي تقاتلو على هاد الميدالية، واخا كنا طامعين فما حسن، بقينا مركزين حتى آخر ماتش”.
وكمل سفيان رحيمي وقال: “كنشكر المسؤولين اللي سهرو على تحقيق هاد الميدالية وكنهديها للشعب المغربي وعاش الملك”.
