الرئيسية > كود سبور > رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي
21/02/2024 17:00 كود سبور

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي

كود سبور//

كيتسناو الوداد الرياضي ترخيص من سلطات بوتسوانا باش طيارة الفريق تنزل فالأراضي البوتسوانية، ويلعبو مع كلاكسي البوتسوالي ضمن الجولة 5 من گروبات دوري أبطال افريقيا.

وقرر الوداد الرياضي بالتنسيق مع نهضة بركان تأجيل الرحلة الجوية الخاصة اللي غيمشيو فيها فطيارة واحدة إلى بوتسوانا وجنوب افريقيا، حتى لغدا الخميس وممكن تتأجل الرحلة حتى ليوم الجمعة، وهذا الشي حيث السلطات البوتسوانية ما زال ما عطاتش تصريح للطيارة الخاصة ديال بعثة الوداد بالنزول فبوتسوانا.

الوداد الرياضي وجه طلب حتى الاتحاد الأفريقي لكرة القدم، وخلاه على اطلاع بگاع تفاصيل الرحلة ديالو إلى بوتسوانا هذا المشكل اللي كيواجه الفريق ديال ترخيص نزول الطيارة، وطلب منو تأجيل الماتش ضد گلاكسي البوتسواني من السبت 24 فبراير إلى الأحد 25 فبراير.

وكانوا مسؤولين الوداد الرياضي ونهضة بركان اتفقوا باش يمشيو الفراقي بجوج فطيارة واحدة خاصة، تحط الواك فبوتسوانا وتكمل بالبركانيين إلى جنوب افريقيا، وكانت عاقلع الطيارة من مطار محمد الخامس هذه الليلة وتمشي لمطار وجدة تهز براكنة، مع العلم ان بركان لاعبين الاحد 25 فبراير ضد سي خيخون الجنوب افريقي فكاس الكاف.

موضوعات أخرى

22/04/2024 14:03

رد سياسي من وزير الداخلية على لشكر ومسؤولي أحزاب هاجمو زينب العدوي..ها كيفاش لفتيت انتصر للمجلس الأعلى للحسابات ضد ريع الصفقات لأبناء السياسيين وعائلتهم

22/04/2024 13:30

تفاصيل حصرية على الشبكة اللي كيتزعمها “سوري” وكانت باغية تحرك بنات من فاس لدول الخليج لاستغلالهن فالدعارة: المتهم الرئيسي كان كيدير راسو خليجي وكيدير مقابلات مع الضحايا

22/04/2024 13:18

طيحاتهم جوائز نقدية “وهمية”.. انطلاق محاكمة شبكة للنصب بين فاس وتازة وكرسيف: ها التهم اللي وجهات ليهم النيابة العامة

22/04/2024 13:10

إسبانيا ضيف شرف معرض الفلاحة بالمغرب وبلاناس أكد أن هاد الشي كيشهد على العلاقات الزوينة بين الرباط ومدريد

22/04/2024 12:50

مرصد: الحكومة فـ3 سنين وسعات الاستفادة من التعويضات العائلية لـ5 مليون طفل وعبأت كثر من 40 مليار درهم للحماية الاجتماعية لـ22 مليون مغربي‏