كود كازا ///

اليوم مع الوحدة دالنهار كان من المتوقع طير رحلة AT950 من مطار محمد الخامس فكازا لمطار ميلان الايطالي. طلعو كلشي المسافرين للطيارة شوية قال ليك مشكل تقني. هادا بداية حقارة مدير الادارة التقنية فالشركة المغربية. كيفاش يطلعو ناس فطيارة فيها مشكل, بعد كان ممكن جدا يلقاو حل. راه حنا فمطار محمد الخامس وكاين طيارات اخرى ممكن تكون سوكور تهز هاد الناس.

المسافرون بقاو معقلين ما داها فيهم حد. ما سول فيهم حد. لحد الان دابا تقريبا الستة العشية وما عندهم حتى خبار. 

هادا راه باينة المدير ديال الادارة التقنية عاينو فخدمة المدير العام. كيفاش خطاب ديال المدير العام فجهة وتصرفات هاد الانسان فجهة اخرى. ما بقاش يرد. شي مسافرين بداو يغوتو ويسبو وهو ما شي فهاد العالم.

دابا الادارة العامة ل”لارام” خدامة مزيان. حميد عدو الرئيس المدير العام دار مجهود كبير وكيطور فهاد الشركة وشادة السكة الصحيحة ولكن خاصو ينقي باب لارام ويطير امثال هادا اللي كيضرب مجهودات الشركة كلها فالزيرو