احمد الطيب – كود الرباط//

القيادي في حزب الاصالة والمعاصرة، فوزي لقجع، اللي التحق مؤخرا لهاد الحزب دار جولة ميدانية وتواصلية غير مسبوقة فمختلف جهات وأقاليم المملكة. بعملية حسابية دارتها “كود”، لقجع قطع اكثر من 10.500 كيلومتر وباقي ليه بلايص فالجهة الشرقية ويرجع للرباط، اي يقدر يوصل ل12 الف كيلومتر فهاد ليام اللخرى ديال الحملة.

لقجع بعدما معروف بلقب الجوكير اليوم تزاد ليه صفة “رحالة” فهاد الحملة الانتخابية .

وشمل برنامج اللقاءات التواصلية والمهرجانات الخطابية التي ترأسها أو شارك فيها لقجع 39 محطة رئيسية، تنقل خلالها بين الشمال والجنوب والشرق والغرب، بالإضافة إلى أقاليم جبال الأطلس والمناطق الواحية والجنوبية.

الانطلاقة كانت سوس بحيث بدأت الرحلة من تيزنيت (سوس ماسة) يوم 09 غشت 2026، لينتقل بعد ذلك إلى سيدي سليمان (رباط سلا القنيطرة)، ثم تاونات، وأولاد ناصر (الفقيه بن صالح) وبني ملال.

لقجع مشا المناطق الاكثر هشاشة والمعنية بمغرب السرعتين، ف الأطلس والجنوب الشرقي، بحيث ف اواخر شهر غشت وبداية شتنبر، اطر لقجع لقاءات مكثفة في أكلموس (خنيفرة) وميدلت، متوجهاً بعد ذلك إلى محور فاس، عين تاوجطات، وصفرو. وموراها، مشا لبركان ووجدة، قبل أن يطير إلى الأقاليم الجنوبية وتحديداً الداخلة يوم 05 شتنبر . وعاد بعدها ليتنقل بين أزيلال ومراكش.

وف يوم 10 شتنبر دار لقجع انشطة مكثفة شملا بوزنيقة، بنسليمان، والدار البيضاء (حيث عقد لقاء مع الباطرونا واطر مهرجان جماهيري لدعم مرشحة فكازا)، ليتبعو بلقاء جماهيري في يعقوب المنصور بالرباط يوم 14 شتنبر .

وواصل لقجع جولته بزيارة أزرو، إفران، وميسور، ثم شريط أورير وأكادير، لينتقل إلى الجنوب الشرقي وعمق الواحات. فنهار واحد دار تنغير وطار لزاكورة ومشى لتيليوين. بعدها دار الرشيدية. كما صول وجال فإقليم تارودانت.

واختتم لقجع جولات في الأيام الأخيرة للحملة، بزيارة تاوريرت، جرسيف، أغبال (أحفير)، وجدة، جرادة، بالإضافة إلى بوعرفة، لتختتم هذه الرحلة الماراثونية يوم الجمعة 18 شتنبر 2026 بلقاء كبير في اقليم بركان.

اليوم الاحد راجع لاقليم الناظور وغادي يدير لقاء تواصلي مع السكان فهاد المدينة قبل ما يمشي لاقليم الدريوش. بعدها غادي يدخل للرباط وعندو لقاء تواصلي نهار الاثنين ببنسليمان وماشي بعيد يدير لقاءت اخرى

بهذه الجولات المكثفة، جَسَّد فوزي لقجع حضوراً ميدانياً لافتاً في مختلف المحطات الكبرى والنقط النائية على حد سواء، مؤكداً دينامية التواصل المباشر مع المواطنين والقواعد الانتخابية لحزب الأصالة والمعاصرة على امتداد التراب الوطني.

فوزي رجع الروح لحرب طيحاتو لفضايح من المخدرات لمشاكل تنظيمية لفضايح استغلال النفوذ…. حزب كيف قال ل”كود” قيادي فيه كان غادي يجي الرابع فالانتخابات كون ما دخلش ليه فوزي فالدقيقة 90. دار ريمونتادا واعرة بزاف. قاد برنامج. سوق لمغرب بسرعة وحدة. للي كيقدمو ريوسهم قادة الحزب واحلين غير مع دوائرهم. بنت الباشا غارقة فالفضايح والمشاكل ودائرة مراكش وبنسعيد اللي خرج على الثقافة وعطى مارشيات وزراتو غير ل3 شركات واحل فالرباط. شخص واحد بشعبية كبيرة رجع الروح فهاد الحزب