عمـر المزيـن – كود///
قالت حنان رحاب، القيادة في حزب الاتحاد الاشتراكي للقوات الشعبية، أنه “خاص الإشارة إلى أن الصورة لي نشراتها الدايلي ميل، إذا تبين أنها لوزيرة الانتقال الطاقي بنعلي، فراه كاين مشكل قبل ما ندويو على تضارب المصالح، وهو أن التقبيل كان فمكان عام حسب الصورة”.
وأضاف رحاب: “هنا بلا ميقول لينا الواحد أنها حياة خاصة، حيت المسؤول مطوق بواجب التحفظ في الأماكن العامة، وخاصو يكونطرولي السلوك ديالو، وأي سلوك بحال هاداك في مكان عام فيه إهانة للمنصب”.
وزادت القيادية الاتحادية، في تصريح لـ”كود”، قائلة: “دابا ندوزو لتضارب المصالح، وكنظن بلي هادشي واضح، إذا ثبت وجود علاقة خاصة بينها وبين الملياردير الأسترالي فراه شبهة تضارب المصالح مكتحتاجش لبزاف د النقاش”.
“بلا ميقول لينا الواحد بلي ممكن تكون هاد العلاقة الخاصة استفدنا حنا منها استثمارات، حيت حشومة يتقال هادشي، حنا بلاد مفروض كنجيبو الاستثمارات الأجنبية بسياسة واستراتيجية مدروسة، لي كتخلي المغرب وجهة الاستثمارات، ماشي بالعلاقات الخاصة”. تقول رحاب لـ”كود”.
وأضافت: “كنظن أن السيدة الوزيرة عندها زوج خيارات: يا إما تخرج بتوضيح وتنفي هاد الشي، وتكمل خيرها تدعي الدايلي ميل، بحال مادارت مؤسسات الدولة فاش الصحافة الأجنبية اتهمتها بالمجلس على مواطنين ببرنامج تجسس اسرائيلي، والخيار الثاني تقدم استقالتها، بحال ما دارو وزراء في حكومات فرنسية فحال هاد القضية ياك هي خريجة المدارس العليا الفرنسية،وقدموها على أنها غتتقل لينا خبرتها الدولية، وهنا فين كيبان واش بالفعل الناس متشبعة بالثقافة الكونية”.
