الرئيسية > جورنالات بلادي > رجل الأعمال رحال بولگوت وراجل كاتبة بوريطة داير حملة ترويجية كبيرة للمشروع ديالو “المدينة الدبلوماسية” ومتهم بانتحال صفة المستشار الخاص للملك
07/07/2021 13:00 جورنالات بلادي

رجل الأعمال رحال بولگوت وراجل كاتبة بوريطة داير حملة ترويجية كبيرة للمشروع ديالو “المدينة الدبلوماسية” ومتهم بانتحال صفة المستشار الخاص للملك

رجل الأعمال رحال بولگوت وراجل كاتبة بوريطة داير حملة ترويجية كبيرة للمشروع ديالو “المدينة الدبلوماسية” ومتهم بانتحال صفة المستشار الخاص للملك

كود – عن لوديسك//

هاذ الايام شركة ماريتا العقارية التابعة لهولندينگ رجل الأعمال رحال بولگوت وراجل كاتبة وزير الخارجية ناصر بوريطة دايرة حملة ترويجية كبيرة للمشروع ديالو ” المدينة الدبلوماسية” بأشهر منطقة راقية بالرباط، على حسب موقع لوديسك.

هاذ المدينة الدبلوماسية “الذكية متعددة الوظائف” غادي تبنا على أرض مساحتها 72 هكتار ديال القصر السابق للمليادرير الإماراتي مانع العتيبة. رجل الأعمال رحال بولگوت كيحاول بقوة يقنع البنوك بتمويل هاذ المشروع وعلى حسب مدير تسويق مجهول كيتكلم بزاف عليه من خلال الشبكات الاجتماعية وبعض المواقع الاخبارية، غادي يدار إعلان ترويجي للمشروع من طرف اللاعب الهولندي كلارنس سيدورف لي لعب لريال مدريد وأ س ميلان وبزاف ديال إشهارات بالماكيط للمرحلة الاولى من المشروع لي غادي تعرف بناء 30 قصر لفائدة الناس الألبة وكبار الديبلوماسيين المغاربة والاجانب، خصوصا وانه قريب من السفارات الاجانب ف الرباط.

واش هاذ المشروع غير هضرة وصافي؟ سؤال طرحاتو لوديسك، لأن شركة ماريتا ما عطاش تفاصيل كثيرة على هاذ المشروع الفرعوني. الشركة قالت ان “المدينة الديبلوماسية” عبارة عن عقارات سكنية مخصصة للطبقة العليا وللدبلوماسيين المغاربة والأجانب، خاصة وأن رحال بولگوت على حسب لوديسك رجل أعمال خدم ف الظل لبناء عقارات ومباني ديبلوماسية أجنبية، نيابة عن الوزارة، لصالح دول إفريقيا جنوب الصحراء “الصديقة”. القرب ديالو من دائرة ناصر بوريطة – مراتو هي كاتبة الوزير – خلا الرباط كلها شائعات واش دائرة القرب سمحات ليه بالمشاركة في هذا البرنامج العقاري الفاخر؟. دايما على حسب لوديسك، كاينة سابقة ديال شائعة شراكة بين ماريتا ومجموعة ماريوت العملاق الأمريكي لصناعة الفنادق الراقية ولي طلعات غير هضرة خاوية كما حسب أفريكا إنتليجنس.

المعلومات ديال مقال لوديسك، جا فيه أن أشغال البناء تكلفات بها شركة تابعة تم إنشاؤها في أبريل الماضي سميتها “DESG Villas Signature” برأس مال 100 ألف درهم، مملوكة لشركة “Marita Immobilière” و”Difaf Participations Touristiques”، وهي الشركة التي تعد جزءا من مشروع فنادق “المدينة الدبلوماسية”، إضافة إلى مشروع فيلات منتجع حدائق دار السلام. وحسب التقرير ذاته، رحال بولگوت كيحاول يقنع البنوك باش تعطيه كريديات لتمويل المشروع، من خلال ضمانات محاسبية كتسمح بنقل الأصول من الهولندينگ الى خمس شركات تابعة على الأقل مع الرهن العقاري ديال أرض العتيبة.

حسب لوديسك، قضية رحال بولگوت تثير مجموعة من التساؤلات، بسبب التقاء البيزنس و”مسائل السيادة”..صلاته بالدوائر الدبلوماسية وارتباطه بالمشروع الغامض ديال شركة استيراد اللقاحات الصينية “MarocVax” مع سمير مشهور وهي القضية لي معرفاتش طريقها لا للصحافة أو الاستجواب من قبل نواب الامة تحت ذريعة المصالح العليا والمقدسة للأمة..

اخر روينة هضرات عليها أفريكا إنتليجنس، هي انتحال صفة المستشار الخاص للملك من طرف باطرون ماريتا كابيتال في علاقته مع صاحبو مدير الاستثمارات في البنك الإسلامي للتنمية لي موضوع تحقيق داخلي بسبب احتمال تضارب المصالح بعد استثمار البنك لحوالي 15 مليون دولار في مشروع “Green Tech Valley”، وهو المشروع لي تسبات غضبة ملكية في توقيف أشغاله.. لي كيتقال دابا في الرباط، حسب لوديسك، أن مشروع “المدينة الدبلوماسية” غادي يكون تعويض على “Green Tech Valley”..

موضوعات أخرى

28/07/2021 04:00

مازل الكنز اللي فيها كايتلقى لـ دبا.. العثور على پـياسة ساوية 98 ألف دولار وسط بقايا الباطو “أتوتشا” اللي غرق فـ القرن 17 – تصويرة و تغريدة

28/07/2021 02:00

الشعبوية والرشوة فهاد لاكريز ماواكلاش.. أردوكَان دار فراسو الضحك فاش مشا زار ضحايا الفيضانات فـ تركيا ولاح ليهم أتاي باش يسكتهم – فيديو