وكالات//

حقق رجل الأعمال المصري المشهور نجيب ساويرس الأمنية ديال واحد المراة دارت البوز فمصر مؤخرا، بعدما بانت فواحد الميكرو طروطوار كتشكي على حالها.

هاد السيدة بانت فواحد الفيديو كتقول فيه أن بنتها مالقاتش خدمة بعدما خدات دبلوم ديال السياحة وواحد آخر ديال التمريض وماعندهاش الفلوس باش تكمل ليها العام اللخر ديالها ف التمريض.

وقالت كذلك، أنها شهر هادي ماشراتش اللحم حينت معندهاش الفلوس بعدما مات راجلها.

الصحافي لي معروف بـ”صاحب السعادة” دار واحد البوسط كيقول فيه أن رجل الأعمال المصري حقق الأمنية ديال المراة وخدم ليها بنتها، وهو شي لي عجب بزاف ديال المصريين.

وقال الصحافي المصري: “المهندس نجيب بنفسه كلمني هيدخل (هبة) لمعهد خاص فى الجونة وكمان هتشتغل أحلى شغل ده، غير إن كل المصاريف اتدفعت، أنا مبسوط جدا أن ربنا جعلني سببا في فرحتهم/”..