كريم الصوفي – كود//
[email protected]
قالت تقارير اخبارية، أن ضباط الشرطة الوطنية شدو، مؤخرا، في غرناطة رجل أعمال إسباني يبلغ من العمر 59 سنة، بالإضافة إلى توقيف 10 مغاربة تتراوح أعمارهم بين 21 و 53 عاما، كلهم عنده ارتباط ب ريزو اجرامي استغل حراگة مغاربة ونصب عليهم من خلال تقديم وعود بتسوية الوضعية ديالهم مقابل مبالغ مالية كبيرة وصلات حتال 3000 يورو.
وأضافت التقارير ذاتها، أن الاسباني الموقوف عندو سجل اجرامي وكيملك شركة محدودة ف موتريل ونشاطها الرئيسي هو شراء وبيع الأسماك الطازجة والمجمدة، والبوليس شكو ف كونطرا ديال حراگ، فيها انه خدام ف الشركة بصفة “عامل بحار” والمحققين ردو البال ان الشركة المذكورة معندهاش علاقة بالصيد وعندها مخالفات بسباب عدم الالتزام مع صندوق الضمان الاجتماعي.
مالك الشركة كان كيعطي للضحايا كمبيالات ف مقابل 3000 أورو اللي كان كيتسلمها من عندهم وف الاخير تفرش كلشي وماشي خسرو غير فلوسهم، بل تعين عليهم دفع 80 يورو للابناك مقابل خدمات تحصيل الكمبيالات، اللي لقاوها مرتبطة بحساب مفلس..
