گود سبور//

ناويين أولمبيك آسفي تعيين إطار وطني إذا ما تأكد رحيل أمين لكرمة عن الفريق بعدما قدم الاستقالة ديالو.

وحسب مصادر مطلعة، فالأمر يتعلق بالإطار الوطني والرجاوي زكرياء عبوب، اللي تفارق مؤخرا مع الدفاع الحسني الجديدي، وحاطينو أولمبيك آسفي كمرشح أول وخيارهم الأول لقيادة الـOCS  خلال المرحلة المقبلة، خصوصا وأنه كايعرف الفريق مزيان حيث كان دربهم الموسم الماضي، بالإضافة إلى أنه بيّن الكفاءة ديالو في عدد من التجارب التدريبية اللي كانت عندو، وملي ما كاتدورش معه الكورة كايمشي بحالو.

وكانوا أولمبيك آسفي برئاسة محمد الحيداوي، عبروا عن تشبثهم بالمدرب أمين لكرمة، اللي قرر الاستقالة من الفريق المسفيوي، بالرغم من النتائج المزيانة ديال الـOCS هذا الموسم.