گود سبور//

رجعو الوداد الرياضي بتعادل مهم من آسفي ضد أولمبيك آسفي فذهاب ربع نهائي كأس الكونفيدرالية الإفريقية، اليوم الاحد فتيران المسيرة الخضراء.

وسالا الماتش بين أولمبيك آسفي والوداد الرياضي بنتيجة 1-، قدرو يماركيو الأولين بواسطة راميرو فاكا فالدقيقة 67، بعد تمريرة من وليد ناسي، أما أولمبيك آسفي ماركاو التعادل بهدف جا من تسديدة ديال الراحولي اللي ضربت فالبوطو ورجعت ضربت فالگول المهدي بنعبيد ودخلت للشبكة ديال الوداد فالدقيقة 86، وفاللحظات الأخيرة قدرو الوداد يماركيو هدف بواسطة وليد ناسي فالدقيق 94، ولكن الحكم ما حسبوش.

هذه النتيجة أجلت الحسم فالمتأهل من الفريقين حتى لماتش الروتور فكازا، ولكن عطات لافونطاج للوداد الرياضي، اللي غادي يخصهم يتعادلو زيرو لزيرو ويتأهلو للربع، وبالمقابل فأولمبيك آسفي خاصهم يربحو بنتيجة واحد لزيرو وكثر أو يتعادو بجوج لجوج وكثر باش يتأهلو.